))
بیرلیک غزلی -شعری از عاصم اردبيلي
Manage episode 315403173 series 3248783
เนื้อหาจัดทำโดย dastan v sher and Dastan v sher เนื้อหาพอดแคสต์ทั้งหมด รวมถึงตอน กราฟิก และคำอธิบายพอดแคสต์ได้รับการอัปโหลดและจัดหาให้โดยตรงจาก dastan v sher and Dastan v sher หรือพันธมิตรแพลตฟอร์มพอดแคสต์ของพวกเขา หากคุณเชื่อว่ามีบุคคลอื่นใช้งานที่มีลิขสิทธิ์ของคุณโดยไม่ได้รับอนุญาต คุณสามารถปฏิบัติตามขั้นตอนที่แสดงไว้ที่นี่ https://th.player.fm/legal
گلین ، یاراق نفاقین باغرینی ، شهاب کیمین
گلین ، چیخاق دومان آلتیندان ، آفتاب کیمین
بو بئش گون عمری ، گلین قارقالیقدا قالمیاغین
گلین ، گلین ، یاشایاق اوج ده عقاب کیمین
گلین ، یاشیل چمنین گؤز یاشین توکوب کوزه یه
ائلین پیاله سینه انده رک گلاب کیمین
گلین ، گلین ، اوخ اولوب دوشمانین باتاق گؤزونه
گلین ، گلین ، دولاشاق بوینونا ، طناب کیمین
گلین ، دوباره وئریب ال اله دوراق ایاغا
که سک خیانت الین بَدوِ انقلاب کیمین
گلین بیر اوزلو اولاق ، بیر هدفلی ، بیر دیللی
رسول اکرمه نازل اولان کتاب کیمین
گلین، گولنده وطن ، غملری قوواق قاپی دان
قان آغلایاندادا، قان آغلایاق، کباب کیمین
گلین ، آخار سو اولوب یوللاناق یارین باغینا
سوسوز جماعتی آلداتمیاق ، سراب کیمین
گلین ، قوشاق سسی بیر لحظه عاصمین سسینه
حقیقت عشقینه سوز باشلایاق، رباب کیمین
1368/10/10
11 ตอน
แบ่งปัน
