Programa1401

Podcast de Corcovadomusica

Edición número 1401 de O Recanto do Corcovado. Puidestes escoitala o venres 29 de marzo a través de RKV Radio Vigo, e o sábado 30 na sintonía de Cuac FM A Coruña e da Radio Municipal de Redondela. Pechamos a rolda de emisións o mércores 3 de abril, tamén de marzo, a través de Radio Crónica Folk Musical. Abrimos o noso programa número 1401 con “Hiddo Dhawr”, o novo disco de Sahra Halgan. Estréovos a seguir o primeiro sinxelo de “Maisha”, a última produción das Zawose Queens. Será editado a comezos do vindeiro mes de xuño a a través de Real World. O disco que si está xa na rúa é “Iviv”, o primeiro traballo da artista francesa Oriane Lacaille. Escoitamos dous temas antes de entrarmos na segunda parte do programa: desprazámonos a terras nórdicas para escoitar o novo disco do Gjermund Larsen Trío —prolongación estética e creativa do traballo que gravou con esta formación hai xa sete anos— e de Timo Alakotila, desta volta coa acordeonista xaponesa Yuka Fujino. Completamos o programa coa música de Les Amazones d’Afrique.