In cuc sur cunfin

Noss chors

Schebain ch'il Tirol dal Sid ed il Tirol dal Nord èn fitg datiers dal Grischun datti in massa litteratura da chors da questas duas regiuns che n'è insumma betg enconuschenta a nus. Cun Noss chors pudais oz scuvrir ina part da quella. Cun «Dreigesänge», «Viergesänge» ed era chors pli gronds datti oz in'invista en il stgazi da chanzuns tradiziunalas tirolaisas. Chors dal Vnuost, da las Dolomitas u era chors dal nord dal Tirol chantan da l'amur, da la patria e da la natira – temas ch'èn era tar nus fitg preschents sch'ins discurra da chanzuns tradiziunalas. Sper ina massa chanzuns en dialects tirolais datti d'udir era ina u l'autra chanzun ladina.