Fálame De San Sadurniño: Fotos Faladas podcast

เนื้อหาจัดทำโดย Falame de San Sadurniño เนื้อหาพอดแคสต์ทั้งหมด รวมถึงตอน กราฟิก และคำอธิบายพอดแคสต์ได้รับการอัปโหลดและจัดหาให้โดยตรงจาก Falame de San Sadurniño หรือพันธมิตรแพลตฟอร์มพอดแคสต์ของพวกเขา หากคุณเชื่อว่ามีบุคคลอื่นใช้งานที่มีลิขสิทธิ์ของคุณโดยไม่ได้รับอนุญาต คุณสามารถปฏิบัติตามขั้นตอนที่แสดงไว้ที่นี่ https://th.player.fm/legal

Fálame de San Sadurniño: fotos faladas

แบ่งปัน

หน้าโฮมของซีรีส์•Feed

“Fálame de San Sadurniño” xurde dunha actividade desenvolvida na Aula CeMIT do Concello de San Sadurniño para conmemorar o 17 de maio do 2013, día das Letras Galegas e tamén día de Internet, conxugando na mesma actividade a defensa da lingua galega e o emprego das TIC. Basicamente a actividade consiste na realización de obradoiros colaborativos no que @s participantes aprenden a dixitalizar e xeolocalizar fotografías; posteriormente gravan un audio explicativo de cada imaxe, para subir logo o resultado final á web www.falamedesansadurnino.org: un espazo na rede no que simples fotos faladas cargan de sentido colectivo a pequenas vivencias individuais que, so en aparencia, semellan desconectadas. Mais o proxecto non só pretende reflectir os tempos pasados de San Sadurniño, senón tamén o seu presente a través de imaxes, sons, vídeos ou documentos que nos “falen de SanSa” na actualidade, para convertérense nun espazo vivo e integral da memoria que sostén o devalar cotián das xentes, empresas, asociacións ou creador@s das terras de San Sadurniño. O proxecto segue medrando en cursos sucesivos que se imparten polas sete parroquias do Concello, estando ademais aberto a todas as persoas, sexan ou non de San Sadurniño, por suposto sempre que teñan algo que “falar” do noso concello. Por iso, fora das actividades formativas da aula, calquera persoa pode colaborar aportando as súas fotos e a súa fala, ou a través de documentos, sons ou vídeos da súa creación. Falame de San Sadurniño publica "unha historia cada día". Podes ver aquí o día a día do proxecto. Non esquezas que " Fálame de San Sadurniño” perténcenos a todos-as; é un proxecto colectivo dos veciños e veciñas de San Sadurniño.

50 ตอน

#Historia #Fálame De San Sadurniño